اختبار سريع 4 في 1 – يكشف عن الكلاميديا، السيلان، HIV والزهري بسهولة وخصوصية تامة!
€ 45,41
النتيجة خلال 10 دقائق
اختبار سريع كامل لاكثر الأمراض المنتشرة للاستخدام المنزلي مع ضمان أقل سعر!
اختبار إضافي
متوفر في المتجر
اختبار سريع 4 في 1 – يكشف عن الكلاميديا، السيلان، HIV والزهري بسهولة وخصوصية تامة!
تفاصيل المنتج
Merk: ahmedlab.shop
طريقة الاختبار: عينة صغيرة من (مهبل، إحليل، فم، أو مؤخرة) للكلاميديا والسيلان -و عينة دم / وخز الإصبع للزهري ونقص المناعة البشري
فترة الحضانة: نقص المناعة البشري 2–12 أسبوعًا، الزهري 2–3 أسابيع، السيلان 1–14 يومًا، الكلاميديا حتى 3 أسابيع
زمن ظهور النتيجة : في غضون 10 دقائق، للاستخدام المنزلي
شهادات الجودة: CE Mark (شهادة الجودة الأوروبية)
كيفية قراءة التحليل: مرئية على شريط الاختبار (مثل اختبارات الحمل)
نوع التحليل: كشف أجسام مضادة (IgG, IgM)
الحساسية: النسبة الموثوقة فوق ال(98,2%-99,9%)
حول الاختبار
اختبار الـHIV والزهري والسيلان والكلاميديا السريع … صار فيك تعملو بالبيت وبكل سهولة!
ما عاد في داعي تروح لعند دكتور، ولا حتى تشرح لحدا شو القصة!
اختبار فيروس نقص المناعة (HIV) والزهري صار فيك تعملو براحة بيتك، بدون حكي زيادة، وبدون وجعة راس.
كل المطلوب؟
كم نقطة صغيرة من دمك لإختبار الhiv والزهري ،و مسحة صغيرة من المهبل أو الإحليل أو الفم أو المؤخرة لإختبار الكلاميديا والسيلان . وبتحصل على نتيجة دقيقة خلال 10 دقايق وبس!
نفسك، ببيتك، بوقتك. سهل وسري وآمن.
ليش الناس بتأجل الفحص؟
منعرف…
في كتير ناس بتخاف من النظرة، أو بتتلبّك تروح لعند دكتور، أو ما بتحب تحكي قدّام حدا.
بس مع هاد الاختبار السريع، الموضوع كله بيدك، وبسرك.
ما حدا بيعرف، وما حدا بيشوف.
ليش هاد الفحص مهم؟
سواء كنت عم تعمل فحوصات دورية، أو في شي مقلقك،
هاد الفحص بيعطيك راحة بال لأنو:
• النتيجة بتطلع بسرعة
• النسبة الموثوقة فوق ال(98,2%-99,9%)للزهري وال hiv
• حساسية لدى الإناث: 100% - حساسية لدى الذكور: %97.3 للكلاميديا والسيلان
• وبتعمل كلشي لحالك، بدون مساعدة حدا
هاد الفحص بيشمل اختبارين بنفس العلبة :
واحد لـفيروس HIVو للزهري
والتاني للكلاميديا والسيلان
وبتقرى النتائج لحالك، بسهولة، من خلال دليل واضح بيوجهك خطوة بخطوة.
⏰ ما بيحتاج أكتر من كم دقيقة!
وبتكون عارف وضعك، ومرتاح.
طريقة استخدام اختبار HIV والزهري السريع – خطوة بخطوة
بتوخز، بتقطّر، بتنقط، وبتعرف النتيجة ✌️
ولا أسهل من هيك!
بس حاأشرحلكم اكثر تكرمو
بتاخد كم دقيقة، وبتكون عارف النتيجة، لحالك، وبسرّ تام.
1. أول شي، بتغسل إيديك منيح، وبتحضّر الكيت(العلبة).
2. بتستخدم الوخزة الصغيرة (اللاسيت) يلي بتجي مع الفحص، وبتوخز طرف إصبعك.
3. بتعصر إصبعك شوي لحتى تطلع نقطة دم صغيرة.
4. بتاخد القطرة، وبتحطها على المكان المخصص على كاسيت الفحص (شبيه بشريط الحمل أو فحص الكورونا السريع).
5. بعدين، بتحط كم نقطة من المحلول (Buffer) حسب التعليمات، مشان يساعد بتحليل الدم.
6. بتستنى شي 10 دقايق، وبتشوف النتيجة على الشريط.
طريقة استخدام اختبار الكلاميديا والسيلان السريع – خطوة بخطوة
الطريقة كتير بسيطة وبتنعمل بالبيت، ما بدها شي!
إنت أو إنتِ أكيد قادرين تعملوها بكل سهولة:
- بتاخد مسحة صغيرة من المهبل أو الإحليل أو الفم أو المؤخرة.
- بتحطها بالأنبوب، ومنّه بتحط كم نقطة من المادة A داخل الأنبوب يلي بيجي معها.
- بتحط منو خمس نقاط، وبتحرّكها بالعودة القطنية لمدة دقيقتين.
- بعدها، بتحط خمس نقاط من المحلول B، وبتحرّك لمدة دقيقة.
- وبعدين، بتحط المحلول على شريط التحليل.
وبعد 10 دقايق، بتعرف النتيجة!
• خط واحد = ما في شي.
• خطين = لازم تحكي مع طبيب.
وبتمنالكم الشفاء العاجل! 🙏
ملاحظات مهمة:
• بعد ما تاخد الدوا المظبوط، بتحتاج شي أسبوع لحتى يروح كل شي.
• حتى لو اختفت الأعراض بسرعة، لازم تكمل العلاج كامل.
• ما لازم ترجع تمارس العلاقة الجنسية قبل مرور 7 الى 14يوم على الأقل من نهاية العلاج.
• ضروري الشريك يعمل فحص ويتعالج كمان، حتى ما يصير في “دورة عدوى” (يعني ترجع تنعدي من الشريك بدون ما تحس).
• بعض الأطباء بينصحوا بإعادة الفحص بعد 3 أشهر، ليتأكدوا إنه ما رجعت العدوى.
ما الذي يتم اختباره؟
هاد الفحص ما بيدوّر عالفيروس أو البكتيريا نفسها،
هو بيدوّر على الأجسام المضادة يلي بيكوّنها جسمك إذا كنت تعرّضت لهالعدوى.
✔️ إذا الجسم بلّش يحارب، الفحص بيكشف
✖️ وإذا لسا جديد التعرّض؟ ممكن ما يبين شي!
وبيغطي:
• فيروس HIV
• مرض الزهري
يعني نقطة دم وحدة… وبتعرف وضعك!
بس إذا كنت شاكك وتعرضت من فترة قريبة، عيد الفحص بعد كم أسبوع لتتأكد 100٪.
شو ممكن تحس إذا عندك hiv او الزهري ؟
(حسب منظمة الصحة العالمية – بأسلوبنا 👇)
فيك تزور مدونتنا وتتطلع علي احدث الاخبار حول الامراض المنقولة جنسيا
كتير من الناس ما بيحسوا بشي بالبداية، وهاد يلي بخلي الموضوع يخوف أكتر شوي، لأنو العدوى بتكون موجودة، والجسم عم يتفاعل، بس بدون ما تبين علامات واضحة… بس خلينا نشرحها ببساطة:
فيروس HIV (نقص المناعة)
بأول الإصابة، ممكن تحس كأنك مريض رشح قوي:
• حُمّى، صداع، وجع حلق، طفح جلدي، وتعب عام
• بعد كم أسبوع، ممكن تختفي الأعراض، بس الفيروس بيضل بالجسم وبيشتغل على المدى الطويل
ومع الوقت، إذا ما تعالجت انتبه اذا ما تعالجت لاني حالياً موجود افضل العلاجات:
• المناعة بتضعف شوي شوي
• بيصير في تورّم بالغدد (الرقبة، تحت الإبط…)
• بتخسر وزن بدون سبب واضح
• ممكن يجيك سعال مستمر، إسهال، أو حُمّى بتروح وبتجي
• وإذا طال الموضوع، ممكن تصير عُرضة لأمراض أقوى، متل التدرن (السل) أو التهابات بالمخ أو أمراض خطيرة تانية.
الزُّهري (Syphilis)
هاد المرض ما بيعلن عن حالو بصوت عالي بالبداية…
• أول شي ممكن يطلع قرحة صغيرة، صلبة، وما بتوجع، غالباً على المناطق التناسلية، المؤخرة أو الفم
• بعد فترة، بيبلّش يطلع طفح جلدي (خاصة عالكفوف أو باطن القدم)، أو بقع بيضا بالفم
• أحياناً بتحس بتعب عام، وجع عضلات، أو تورم بالغدد
• وبعدين بيفوت الزُّهري بمرحلة ساكتة (لا أعراض)، بس بيكون بعده شغال
• وإذا ضل بدون علاج، ممكن يوصل للقلب، الدماغ، والجهاز العصبي… وهون بيصير الوضع أخطر بكتير.
إذا شكّيت إنك تعرّضت، أو حتى بس بدك تطمّن، الفحص السريع هو أول خطوة.
لأنو الانتظار بدون ما تعرف الحقيقة… هو أخطر من النتيجة نفسها
شو ممكن تحس إذا عندك الكلاميديا أو السيلان؟
(حسب منظمة الصحة العالمية – بأسلوبنا 👇)
داء السيلان (عدوى النيسرية البنيّة)
• مرات ما بتحس بشي أبداً.
• بس إذا في أعراض، ممكن تكون:
• حرقان أو وجع وقت التبول
• إفرازات غريبة من المهبل أو القضيب
• وجع أو تورم بالخصيتين عند الشب
• ألم أو نزيف خفيف من المؤخرة إذا في التهاب شرجي
السيلان:
• عند الشب:
• إفراز أبيض أو أصفر أو أخضر من القضيب
• حرقان وقت التبول
• وجع أو تورم بالخصيتين
• عند البنت:
• إفرازات مهبلية مو طبيعية
• حرقان بالتبول
• نزيف بين الدورات أو بعد العلاقة
• وجع بأسفل البطن
• وإذا الالتهاب بالحلق أو المؤخرة، ممكن يكون من دون أعراض أو بأعراض خفيفة كتير.
نتيجة الاختبار
✅ إذا طلع خط واحد (سلبي):
ارتاح، أمورك تمام. ما في إصابة حسب الفحص، وانت سليم.
بس إذا كنت متعرّض من فترة قريبة، الأفضل ترجع تعيد الفحص بعد كم أسبوع، لأنو الجسم ممكن لسا ما كوّن الأجسام المضادة.
❗ إذا طلع خطين (إيجابي):
لا تخاف، ولا تهوّل الأمور.
النتيجة الإيجابية مو نهاية العالم، هي بس إشعار إنو لازم تتحرك وتاخد الخطوة الصح.
🎯 أحياناً العلاج ما بيتعدى حبة وحدة للhiv وبقيت الامراض بتتعالج عنطريق حبوب او ابر متوفرة في موقعنا عن طريق اطباء مختصين ، وبتكمل حياتك عادي، وأهدافك بتضل قدامك.
كتير ناس بس يسمعوا “إيجابي” بيخافوا، بيذعروا، وهاد الشي طبيعي… بس الأهم تضل ماسك أعصابك.
لأنو الحقيقة؟ العلاج موجود، فعال، وبيرجعلك السيطرة.
💬 فيك تبلّش تحكي مع طبيب العيلة، وهو بيوجهك لطبيب مختص.
وإذا كنت بهولندا🇳🇱، ألمانيا🇩🇪، أو بلجيكا🇧🇪، فيك تتواصل معي شخصياً عالتليفون أو الإيميل، وبوجّهك لأقرب مركز أو مستشفى مختص.
🤝 أهم شي تذكّر:
الحياة ما بتوقف عند نتيجة… و”إيجابي” ما بيعني النهاية، بل بداية مرحلة جديدة بتفهم فيها حالك أكتر، وبتهتم بصحتك عن جد.
وما تشوف شر يا رب 🙏
🧠 الأسئلة الشائعة (بطريقة مفهومة وبلا تعقيد!)
🟠 الفحص بيكشف الفيروساو البكتريا نفسها؟
لا،
بيساطة، بيدوّر إذا عندك بكتيريا الكلاميديا أو السيلان .او الأجسام المضادة يلي بيكوّنها جسمك إذا تعرّضت للفيروس او البكتريا بالنسبة للhiv ,و الزهري ..
يعني إذا في التهاب، الفحص بيقلك “آه في شي”، وإذا ما في، بيقلك “كلشي تمام”.
والنتيجة؟ بتطلع بـ 10 دقايق، أسرع من طبخة إندومي!
يعني إذا تعرّضت من فترة قريبة، الأفضل تعيد الفحص بعد 3 شهور لتتأكد.
🟠 إذا طلعت النتيجة إيجابية… يعني خلصت حياتي؟
ولا تشيل هم!
بتتواصل مع دكتور، وبتبلّش علاجك فوراً.
وكمان مهم إنك تبلغ الشريك/الشريكة،
لأنو إذا ما تعالج، القصة رح تصير متل البينغ بونغ… رايحة جايي 😅
علي فكرة موجود بالموقع خدمة فيك ترسل ايميل باسم مجهول ونحنى حنرسلو رسالة انو يتاكد من نفسو
النتيجة الإيجابية معناها بس إنك لازم تاخد علاج وتتابع، مو إنك انتهيت.
العلاج موجود، فعال، وأحياناً ما بيتعدى حبة وحدة.
والأهم: فيك تكمل حياتك وتحقق كلشي بدك ياه ✌️
🟠 يعني دقيق هالفحص ولا بس تسلية؟
إيه، الفحص دقيق جداً بنسبة حساسية فوق 99% إذا استُخدم بالطريقة الصح.
بس النتيجة الإيجابية لازم تتأكد عند الطبيب بفحص مخبري.
🟠 ممكن يطلع الفحص إيجابي كاذب؟
نادراً، بس ممكن.
السبب ممكن يكون تخزين غلط، أو مشاكل تقنية، أو عوامل مناعية.
لهيك دائماً منقول: النتيجة الإيجابية لازم تتأكد بفحص مخبري.
🟠 هل الفحص مناسب لمستخدمي PrEP؟
الفحص مناسب لغالبية الناس،
بس مو مثالي لمستخدمي الـPrEP (الوقاية من HIV قبل التعرض).
🔍 ليش؟
لأنو الـPrEP ممكن يأثر عالجسم ويخلي إنتاج الأجسام المضادة يتأخر أو يكون ضعيف،
فـ ممكن تطلع النتيجة “سلبية كاذبة”، رغم وجود العدوى!
🧠 الحل؟
اللي بياخدوا PrEP لازم يعملوا فحص دم مخبري تقليدي كل فترة وهاد التحليل متوفر عندنا كمان، حسب تعليمات الطبيب، مشان يتأكدوا إنو كلشي تمام..
اما الختبار الكلاميديا والسيلان مابيتاثرو
🟠 شو بيلزمني لأعمل الفحص؟
كلشي بيجي بالكيت:
• جهاز الفحص
• إبرة وخز وعود قطني
• محلول
• قطّارة
• تعليمات واضحة
عرض الأسعار في:EUR